排隊歌!!

原來這一首「排隊歌」的普及程度非常高，大女細女連朋友的獨女所就讀的幼兒園都用這一首，一唱起來幾豆釘都識唱，場面實在搞笑!! 歌詞是咁的: 來共我一齊 排個靚隊先！ 手放在兩邊 兩眼看着前， 嘴跟着老師 唱呀唱歌兒， 一步一步 跟我向着前！

妹豬兒歌＜１＞

未知是否受到「家姐仔」的影響, 做了她模仿的主要對象, 妹豬在家常常會唱起兒歌來, 有時候見家姐手舞足蹈, 她也會有樣學樣~

最有印象的係呢首:

「今天是快樂的星期三,
星期三, 星期三,
今天是快樂的星期三,
開心快樂笑! 苛苛苛~~」

同學仔叫乜名?

話說我家大小姐自小被我倆「遺棄」在育嬰院,所以很早就適應「校園生活」.

現在才三歲多,計及現時就讀的學校,已是第三間了.

SO FAR 都很喜歡返學,從未講過一次「我唔想返學呀!」

我比較少時間和她們一齊玩,所以不太清楚她們的學習進度,故此一有時間我便會問一下她們的同學仔叫什麼名字以確定她們是否已完全融入課堂.


阿妹的同學仔名太搞笑,一定要記低佢.

呢篇blog文不繼更新~~

妹豬同學名: (全為音譯)

1. 浦B (男)
[註: 「浦B? 你同學仔真係叫浦B架?」,「嗯...(眼仔碌碌望天花扮諗緊野).....係呀!」]
[按: 上週終有機會親耳聽到老師講一次這位同學的名字,叫「豪B」, 唔係浦B呀妹豬....]

2. 「華畫」 (男)

3. 「柯BB」?
[註: 「柯BB? 佢成日要去廁所同賴尿架?」,
「ER...(眼仔碌碌望天花扮諗緊野)...唔係呀,
因為佢成日『呀!呀!呀!WOOD!WOOD!WOOD!咁架』」
「哦, 佢係咪未識講野呀?」
「嗯....係呀!」]
[按:真名柯卓軒]
4. 曾子魚 (男),
5. 張程偉 (女), 長頭髮
6. 邱雪兒 (女), 乖寶寶, 上堂唔傾計的
7. 蔣卓哥 (男), 成日喊, 唔乖
8. 吳日謙 (男),
9. 梁君淘 (男),
10. 梁卓橋
11. 陳靜欣(女),
12. 黃子欣(男),
13. 黃卓瑤(?),
14. 黃卓楠(?),
15. ........



家姐同學名: (全為音譯)

1. 悠油
2. 王佩琪
3. 王佩珍
4. 方依依 (下? 方姨姨? 校車D姨姨黎架?)
5. ...

妹豬搞笑對話《1》

對照返家姐的成長歷程, 妹豬的語言天份差少少, 牙牙學語的階段長一點, 到現在算是改善不少了. 跟我們通電話時少了點自說自話, 多了點交流, 明白我們的問題, 大約有30%的回覆像樣, 需然那些「因為呢」,「所以呢」只會其詞而無什LOGIC, 但已算有所交代了.

因為好多詞彙和對話內容只是每天的不停重覆, 偶意聽到妹豬用了別的回覆才證明她有點明白同思考過, 最近一次的「急才」令到我和太太笑到眼濕水都擠出來。。。

妹妹外出時, 在沒有陌生人擾亂思諸和心情的情況下, 基本上是一隻「開籠雀」！
以下為家中通往學校途中她常說的話題：

「爸爸，做乜咁慢架～～烏龜爸爸！」
「哎呀，個水池訓覺呀！」（噴水池未開動）
「爸爸，小心Ｄ呀！」（過馬路前）
「咦？！無ＷＯＷ　ＷＯＷ　狗既？」
「太陽伯伯好晒呀～～妹妹濕晒啦。。」(邊說邊做抹汗動作)
「一陣呢，妹妹夠高，妹妹唔夠高，我禁ＬＩＦＴ先，你禁ＬＩＦＴ先！」（途經兩部升降機，一部妹豬夠高自己可以按制，另一部唔夠高，要我代勞）
「哎吔，係咪ＸＸＸ黎架？」（明知故問式的打開題語句）
我話:「妹豬，ＢＹＥ　ＢＹＥ，爸爸走啦，今晚見～」「爸爸，你返工呀？」（送到課室門前，臨走時故意問的問題）


其中一個街上見都的情況而妹豬好深刻的記憶，每次見到都會再重覆講一次的，就是非繁忙時間地鐵掛了綠色牌子的電梯。
「電梯壞左呀？」
「唔係，佢無電呀！」我說。
「哦，電梯無電呀，壞左啦～～」
「唔係壞左，係佢郁得太耐，好攰啦，要休息，訓左覺啦！」我說。
「哦電梯訓左覺ＬＵ～～」

自此妹豬認為「唔郁」＝「訓左覺」。。。。

「笑到眼濕水都擠出來」的個案背景：妹豬的眼皮，係會一時單眼皮，一時雙眼皮，而且係多數一隻單一隻雙及單雙還會左右交替的，真有趣。。。

我說：「媽媽，我有無記錯，妹豬尋晚好似係右眼雙眼皮，左眼單眼皮個喎，點解今日掉轉左既？」妹豬聽到我講佢個名就望住我。
太太說：「你無記錯，今日單雙掉轉左」妹豬轉望向媽媽。
我說：「呀，真係有趣，係咪眼訓得滯，俾Ｄ眼屎痴起左塊眼皮呀？但點解淨係痴一邊，唔痴另一邊架呢？」

正當太太無我咁好氣，啋我都傻，想開口轉話題時，冷不防妹豬爆了一句：「因為呢.....佢訓左覺囉!~」
然後繼續低玩玩具, 我和太太都反應不過來,你眼望我眼,諗緊妹豬講了什麼, 那一刻，時間像停止了半秒, 然後我倆不約而同的捧腹大笑。

「哈哈哈哈哈~~, 係喎, 有理道~~ 訓左覺咪唔郁囉！烏龜爸爸！哈哈哈哈哈哈～～」

【妹豬的弱點】

每個人都有一些「死穴」,  沒想到外表調皮, 鬼靈精怪, 天不怕, 地不怕, 連籐條也不怕的妹豬, 也有「剋星」! 我最初也認是個別事件, 但隨着妹豬一天一天的長大, 其語言能力已可明確的表達到她對某些物件異常恐懼, 並不是鬧着玩~~~ 經我們反覆的測試, 已幾可肯定「妹豬剋星」是誰!

《頭號剋星》 - 「電視機突然出現的黑畫面」

由媽媽, 爸爸, 家姐和姐姐所組成的「調查小組」, 對於豬妹小姐有這樣的一種恐懼反應均表示詫異, 也許因為豬妹小姐一向不畏強權, 無視爸爸的籐條威嚇, 甚至慣常以嘻皮笑臉方式回應爸媽的指令(詐傻扮懵!), 以圖「以笑遮醜, 蒙混過關」, 無想過會對電視機中突然出現的黑畫面而「速逃」.

不知從什麼時候開始, 向來看電視時目不轉晴的妹豬, 會在途中突然間從梳化上跳下來, 走到看不到電視畫面的走廊靠牆並低頭「罰企」, 直到她覺得安全 (多數為聽到有音樂響起) 才會蹦蹦跳的坐回梳化. 初時我們還以為她對什麼動物或節目有些陰影, 經多番的查問及反覆查證, 證實那個突如其來的黑畫面才是主因. 無論是節目開場的一段或節目剛播放完畢出ROLLER的一段, 妹豬都會以極速從梳化上逃走……

《二號剋星》 - 「大型吹風機或風扇」

和兩隻小鬼外出時, 如只有我和老婆出動的話, 因她們已「起重」(超過了老婆可以單手抱住所承受的重量), 多數都是由我帶她倆到商場的廁所解決那迫切的需要「爸爸! WEE WEE呀!」.

家姐和妹豬都對洗手間內的設施非常好奇, 常問道:「呢個咩野黎?」. 整個過程亦會不停的講說話, 最喜愛的步驟就是洗手 (即係玩泡泡同玩水!). 洗完手當然是用紙巾將手刷乾. 有時候廁所無抹手紙提供的話, 就只好用會吹出暖風的乾手機來將水吹乾. 家姐貪玩, 覺得乾手機吹出來的風「好好玩」, 每次見到可以讓她接觸到的乾手機也會主動提出「一陣要用吹風機個喎~~」的要求.

而妹豬則對乾手機無甚麼好感. 第一次在廁所聽到那股由高速抽氣摩打轉動而產生的「AL~~ 呼~~~」巨響時, 我見她是真的被嚇了一跳, 即時靠到我的腿邊及退到我的身後, 以求和她的剋星保持一些距離. 上述情況由DAY 1 開始都無改善, 我也嘗試了好多次哄騙妹豬使用乾手機, 那每次都無功而還. 最近更連大型一些的座地風扇及放在地上用來吹乾濕滑地面的BLOWER (像個大蝸牛那種) 都令妹豬響起十級警報, 避之則吉. 遠遠看到或記得那個角落放置了一台便會繞路走, 或向我們求助要抱抱……

真真有趣~~

圖片- 大蝸牛BLOWER